(Kreisheimatstimmen 8/1951 )
De Paiter was et twedde Johr op der Schaule. Heu was en figgelant Kerelken un wußte Iewwerall Bescheid. Sein Breoer harr mol en Krohmesviuel (Krammetsvogel) fangen, diänn nahm de Paiter met in de Schaule un gaffte ne diäm Lehrer. Deu froggere en, wat es siß neo fiärr Vuiele gäffte un wo heu se alle seuhn härr.
De Paiter was fix bies er Händ un tällte op :” Wat ieck seuhn häwwe ? Swalewen amme Hiuse (Schwalben), Sprennen op`m Daake (Star), ne Uile op`m Teoeren (Eule), un Luilinge op dr Miste (Sperling), En Reotbiästken hinger dr Schuiere (Rotkehlchen), un en Reotsteertken imme Huawwe (Rotschwänzchen), Wieppsteertker amme Water (Bachstelze), en Niettelnkiennig imme Tiune (Zaunkönig), Baukfinken op`m Biärenbeome (Buchfink), Blautfinken op`m Keizenbeome (Blutfink), Giälgoisker un Hannepnoisker op dr Wiese (Goldammer und Hänfling), En Smielenstrieper amme Auwer (Grasmücke), en Leiwerk op`m Felle (Lerche), Jästern un Meukolewen hinger unsem Hiuse op diär heogen Euke (Elster und Eichelhäher (Markolf)), en Hawik in dr Luft (Habicht), un Kräggen Biärrege (Krähe).